Sidra Ashfaq

ہر انسان مضبوط بننے کے لیے سہارے تلاش کرتا ہے کوئی سوچتا ہے فلاں شخص مل جائے تو ہمت آ جائے گی  کبھی سوچتا ہے فلاں چیز مل جائے تو طاقت بڑھ جائے گی  جبکہ اصل ہمت اور طاقت تو خود سے آتی ہے  ہمارے اندر موجود ہوتی ہے جسے تلاش کرنا ہوتا ہے باہر سے ملنے والی ہمت عارضی ہوتی ہے  جس بھی انسان یا چیز سے ملے اس کے دور ہوتے ہی ختم ہو جاتی ہے  زندگی کے اندھیرے جو بھی ہوں کوئی تکلیف ، کوئی یاد ، کوئی بات یا کوئی ڈر ہمت سے سامنا کریں اور خود کو اس سے باہر نکالیں سہاروں کی تلاش میں رہیں گے  تو کبھی خود کا مضبوط نہیں بنا پائیں گے 🖋️ سدرہ اشفاق  

انسان وہی طور طریقے اور طرز زندگی اختیار کرتا ہے، جو اس کے ساتھی کے ہوتے ہیں۔ چنانچہ اس کے دین و اخلاق کے معاملے میں احتیاط کا تقاضا یہ ہے کہ وہ اس بات میں خوب غورو فکر کرے کہ وہ کس کو اپنا دوست بنا رہا ہے۔  ابو ہریرہ رضی اللہ عنہ سے روایت ہے کہ نبی ﷺ نے فرمایا: "آدمی اپنے دوست کے دین پر ہو تا ہے، لہٰذا تم میں سے ہر شخص کو یہ دیکھنا چاہیے کہ وہ کس سے دوستی کررہا ہے"۔   اگر کسی شخص کا دینی و اخلاقی پہلو اسے پسند آئے، اسے وہ دوست رکھے اور اگر پسند نہ آئے تو اس سے دور رہے۔ طبیعتیں نقال ہوتی ہیں اور صحبت اصلاح حال یا اسے بگاڑنے میں اثر انداز ہوتی ہے۔  امام غزالی فرماتے ہیں: لالچی آدمی کے ساتھ بیٹھنا اور اس سے میل جول رکھنا حرص کو ابھارتا ہے اورزاہد شخص کے ساتھ اٹھنے بیٹھنے سے دنیا میں زہد پیدا ہوتا ہے؛ کیوں کہ انسانی طبیعتوں کی فطرت ہے کہ وہ ایک دوسرے کی مشابہت اختیار کرتی اور اقتدا کرتی ہیں۔ بلکہ انسان کی طبیعت دوسرے انسان کی طبیعت سے ان جانے میں اثر قبول کرتی ہے۔   انسان کو چاہیے کہ وہ اچھے لوگوں کو دوست بنائے کیوں کہ اسی میں بہتری ہے۔

غصہ آنا فطری عمل ہے لیکن اُس وقت طریقہ کیا ہونا چاہیے یہ ہمارے ہاتھ میں ہے جب کوئی غلط بات کہے جس سے اس پر غصہ آئے تو کچھ وقت کے لیے اسکا جواب نہ دیں رک جائیں اور سوچیں اس کا جواب میں کل دونگی ایسا کرنے سے ہم لمبی بحث اور جھگڑے سے بچ جاتے ہیں  کیونکہ غصہ ہماری عقل کو ڈھانپ لیتا ہے ، سوچ سمجھ کی صلاحیت کم کر دیتا ہے اور جذبات میں ہم کچھ بھی الٹا سیدھا بول جاتے ہیں جس کا بعد میں لمبے عرصے تک پچھتاوا رہتا ہے اسی طرح جب دوسرے غصے میں ہوں تو بھی خاموش ہو جائیں اور جب وہ غصے کی کیفیت سے باہر آ جائیں تب اپنی بات سمجھائیں تب زیادہ محنت کیے بنا ہی بات سمجھ میں آ جاتی ہے 🖋️ سدرہ اشفاق

اللہ کی محبت پانے کے راستے میں نفرت بھرے احساسات ہی سب سے بڑی رکاوٹ ہیں۔ اس رکاوٹ کو گرا کر ہی اللہ کی محبت پا سکتے ہیں۔ ہم دل سے جھکنا سیکھتے ہیں کیونکہ کسی کو معاف کرنے کے لئے دل کو جھکانا پڑتا ہے، ایسے اللہ کے بندوں کے سامنے جھکنا ہمیں اللہ کے سامنے جھکنا سکھاتا ہے۔ دل میں مثبت احساس ہوگا تو دل میں نرمی آئے گی، خوش مزاجی اور خوش اخلاقی حاصل ہو گی۔ منفی سوچوں سے بچیں گے اور سکون ،اطمینان اور خوشی نصیب ہوگی۔ 🖋️ سدرہ اشفاق

مسائل تو ہر کسی کی زندگی میں ہوتے ہیں لیکن یہ مسائل ہمارے ہر وقت کے رونے دھونے کا جواز نہیں ہونا چاہیے دوسروں کو ہر وقت اپنے بیچارے ہونے کی کہانیاں سناتے رہیں گے تو وہ ہم سے بات کرنا کم کر دیں گے دور جانے لگے گے ہماری باتوں سے اکتاہٹ کا شکار ہوں گے کیوں کہ وہ جانتے ہیں جب ہم سے بات کریں گے ہمارے پاس گلے شکوے کرنے کی لمبی فہرست موجود ہو گی ہمیں لگتا ہے دوسروں کو ہمیں سمجھنا چاہیے اور ہر وقت ہماری بات سننی چاہیے اس سب میں یہ بھول جاتے ہیں کہ سامنے والا کیا چاہتا ہے ہمارا ہر وقت کا منفی رویہ سننے والے کو بھی متاثر کرتا ہے  ہر انسان چاہتا ہے کہ وہ کچھ اچھا وقت گزارے کچھ اچھی اچھی باتیں کرئے  اگر ہم ہر اچھی بات چھوڑ کر بس خود کو بیچارہ بنانے میں مصروف رہیں گے تو ایک دن ہمارے پاس کوئی بھی نہیں رہے گا اس لیے خود کو بیچارہ سمجھنا چھوڑ دیں اللہ نے ہر انسان بہت سی مثبت صلاحیتیں رکھی ہیں ان کا استعمال کریں جتنا ممکن ہو خود کو مثبت کاموں میں مصروف رکھیں اس سے شخصیت میں ٹھہراؤ آئے گا ذہن بیکار کی سوچوں میں نہیں الجھے گا دوسروں کو سنانے کے لیے گلے شکوے بھی کم ہوں گے یاد رکھیں دوسرا کوئی ہماری مدد نہ

اچھا بننے کی کوشش میں ہو یا کوئی اچھا کام کررہے ہو تو مت دیکھنا کے ساتھ دینے والا کوئی نہیں ہے اچھائی کا ساتھ دینے والے تو بس ایک دو ہی ہوتے ہیں جبکہ برائی میں ہزاروں لوگ ساتھ کھڑے ملیں گے کوئی تمہاری اچھائی کو سراہے یا نہیں تم ہمیشہ اچھا بننے کی ہی کوشش کرو  یہ سفر بہت محنت طلب ہے ڈر کے ہمت مت ہار دینا کبھی گرو گے تو کبھی لڑکھڑاؤ گے مگر دیکھو اس سفر کو ترک مت کرنا  چاہے کوئی بھی ساتھی نہ پاؤ پھر بھی اداس مت ہونا کیونکہ تمہارا ساتھی اللہ ہے جہاں سب برائی میں مشغول ہوں تمہیں اچھائی کی شمع بن کر ان سب کو روشنی دیکھانی یے 🖋️ سدرہ اشفاق

انسان اپنے جیسے لوگوں کے ساتھ رہ کر خوش ہوتا ہے ان سے بات کر کے خوشی محسوس کرتا ہے لیکن زندگی میں تمام لوگ ہمارے جیسے ہو یا ہماری طرح سوچتے ہوں ایسا ضروی نہیں ہے کچھ لوگ قدرتی طور پر ایک جیسی سوچ رکھتے ہیں اور کچھ لوگ بلکل مختلف  اس لیے اگر مختلف سوچ رکھنے والے لوگ زندگی میں شامل ہیں تو ان کو زبردستی اپنے جیسا بنانے کی کوشش مت کریں بلکہ وہ جیسے ہیں انہیں ویسے ہی قبول کر لیں  اگر ایسا نہیں کر سکتے اور نا خوش ہیں تو ان کو بدلنے کی بجائے اپنے جیسے لوگ تلاش کریں کیونکہ جب آپ خود دوسروں کے مطابق نہیں بن سکتے تو دوسروں سے بھی اس بات کی توقع رکھنا چھوڑ دیں 🖋️ سدرہ اشفاق

جس کو ہر جگہ تلاش کر رہے ہو وہ تو تمہارے اندر ہی کہیں موجود ہے کبھی کسی سے پوچھتے کیسے ملے کا تو کبھی ڈھونڈنے ہو کہ کہاں ملے گا کہاں در در پر بھٹک رہے ہو تم، اللہ نے تو کہا میں شہہ رگ سے زیادہ قریب ہوں اللہ کو پانا ہے اللہ کی دوستی چاہیے تو اپنی "میں" ختم کردو جھک جاؤ ، عاجزی اپنا لو ، ہر فیصلے کو دل سے قبول کر لو اپنے آپ کو اللہ کے حوالے کر کے تو دیکھو اللہ کے رنگ میں رنگ کے تو دیکھو   ہر چیز میں ایسے رہنمائی ملے گی کہ تم بھی حیران رہ جاؤ گے دل سکون سے بھر جائے گا اور کوئی ملال باقی نہیں رہے گا   🖋️ سدرہ اشفاق

ہم سب زندگی میں کبھی نہ کبھی ایک ایسے مقام پر کھڑے ہوتے جہاں دنیا کا ہر دروازہ بند نظر آتا ہے بظاہر کوئی سبب نظر نہیں آتا جس کی وجہ سے ناامید ہونے لگتے ہیں کہ ہمارے حالات نہیں بدل سکتے اس وقت ہماری نظر دنیا کے ظاہری اسباب پہ ہوتی ہے کہ وہ نہیں تو شاید کچھ نہیں جبکہ اسباب پیدا کرنے والا تو اللہ ہے وہ جب چاہے ایسے اسباب بنا دیں کہ ہر انسان حیران رہ جائے یاد کریں حضرت مریم علیہا السلام کا قصہ جو قرآن میں بیان ہوا ہے کیا وہ ہم سب کے لیے امید کی نئی راہیں نہیں کھول دیتا کہ اللہ نے ان کے لیے کیسے کیسے اسباب بنائے جب اللہ کی طرف سے ان کے پاس رزق آتا تھا حضرت زکریا علیہ السلام نے پوچھا اے مریم یہ رزق کہا سے آتا ہے اور انکا جواب سن کر دعا کی کہ اللہ ان کو بھی اولاد سے نواز دے یہ نہیں سوچا کہ کیسے ممکن بس نظر میں یہ تھا جو رب مریم کو ایسے رزق دے رہا ہے مجھے بھی اولاد دینے پہ قادر ہے قرآن ہمیں بتا رہا ہے کہ اے انسان ناامید نہ ہو کسی بھی کام کو بظاہر دنیاوی اسباب نہ ہونے کی وجہ سے نامکمن مت کہو رب تو ہمارا بھی وہی ہے جو مریم علیہا السلام کا اور حضرت زکریا علیہ السلام کا تھا لیکن فرق یہ ہے انہوں ن

کسی کو کیا خبر کہ جو ماضی میں غلط تھا حال میں صحیح ہو  یا مستقبل میں کب صیحح راستے پہ آ جائے  اس کا فیصلہ تو موت کے ساتھ ہوتا ہے کون کامیاب ہوا اور کون ناکام لیکن آج بہت سے لوگ دوسروں کے بارے میں یہ فیصلہ کرتے ہوئے تھوڑا سا بھی نہیں ہچکچاتے  بنا سوچے سمجھے کچھ بھی بول دیتے ہیں کسی کو جنتی تو کسی کو جہنمی   ماضی کی غلطیوں پہ مذاق بناتے ہیں اگر کوئی صیحح راستے پہ آنے کی کوشش کرے تو پہلا جملہ یہی سننے کو ملتا "نو سو چوہے کھا کر بلی حج کو چلی"   چلیں نو سو چوہے کھا کے ہی سہی مگر زندگی میں خیال تو آیا، کوشش تو کی صیحح راہ کو اپنانے کی کچھ لوگوں کو تو اس کا احساس بھی نہیں ہوتا ساری زندگی گناہوں میں ہی گزار دیتے ہیں جب بھی کوئی ماضی کی غلطیوں کو چھوڑ کر حال اور مستقبل کو سنوارنے کی کوشش میں ہو  تو اس کو کمزور مت کیجئے کیونکہ یہ سفر بہت مشکل ہے ہر وقت خود سے جنگ کرنی پڑتی ہے  نہ ہی ایسے الفاظ کا استعمال نہ کریں کہ کوئی صحیح راہ کو چھوڑ کر واپس پلٹ جائے 🖋️ سدرہ اشفاق

ہروقت دوسروں کی ٹوہ میں مت لگے رہے کون کیا کر رہا ہے؟ کیوں کر رہا ہے؟ کیسے کر رہا ہے؟ اگے کیا کرنا چاہتا ہے؟   یہ سوالات پوچھنا آپ کا حق نہیں ہے اگر کوئی آپ کو کچھ بتائیں تو سن لے اور اگر نہیں بتانا چاہے تو کریدنا نہیں چاہیے اسلام نے دوسروں کے گھروں میں بھی جھانکنے سے منع کیا ہے تو پھر ہم کیوں دوسروں کی زندگی میں تانک جھانک کرتے رہتے ہیں؟ رسول ﷺ نے فرمایا  لَا تَحَسَّسُوا وَلَا تَجَسَّسُوا دوسروں کی ٹوہ میں نہ لگو ، دوسروں کی جاسوسی نہ کرو دوسروں کی خیر خواہی چاہتے ہیں تو بے جا تجسس اور تحسس سے ان کو پریشان مت کریں 🖋️ سدرہ اشفاق

خوش رہنے کی دعا تو عام طور پر سبھی دیتے ہیں  لیکن خوش رہنے کا طریقہ یا خوش رکھنے کا سلیقہ کسی کسی کو آتا ہے مستقبل کے خوف یا ماضی کی تکلیفوں کی وجہ سے انسان حال میں بھی خوش نہیں رہتا تو سب سے پہلے خود کو ہر خوف سے نکال کر خوش رکھنے کا ارادہ کریں اس کے ساتھ اپنے دل میں وسعت پیدا کریں  اچھے کام پہ دوسروں کی تعریف کریں کوئی مدد کریں تو اسکا شکریہ ادا کریں  تنگ دل انسان کبھی خوش نہیں رہتا نہ ہی دوسروں کو خوش دیکھ پاتا ہے  کہیں بھی ہوں مثبت رویہ اپنائیں دوسروں کو معاف کرنا سیکھیں جسمانی صفائی کے ساتھ ساتھ ذہنی صفائی بھی بہت ضروری ہے اس لیے منفی خیالات کو ذہن سے نکال دیں اچھے دوست بنائیں زندگی میں کوئی نہ کوئی مقصد ہونا بہت ضروری ہے  تاکہ ہر دن آپ اس کی تکمیل کے لیے کوشاں رہیں اور بیکار میں وقت ضائع نہ کریں 🖋️سدرہ اشفاق  #sbatalks

دنیا کی پیروی چھوڑ کر رب کی اطاعت میں آجائیں رب نے جو کہا ہے اس پر عمل کرنا شروع کردیں کبھی نقصان نہیں اٹھائیں گے دنیا میں دوست تلاش کرنے سے پہلے رب سے دوستی کر لیں جو کبھی کسی حال میں ہمیں تنہا نہیں چھوڑتا ہماری ہر بات سنتا ہے 🖋️ سدرہ اشفاق

زندگی مسلسل سفر کا نام ہے ایک سفر ختم ہوتا تو دوسرے کا آغاز ہو جاتا ہے کبھی سفر سکون اور اطمینان سے سر شار ہوتا ہے تو کبھی خوف اور ڈر سے بھرا ہوا  کبھی خوشیوں اور راحتوں سے دامن بھر جاتا ہے تو کبھی تکلیفیں اور پریشانیاں گھیر لیتی ہیں زندگی تو اسی طرح اپنا رخ بدلتی رہتی ہے لیکن اصل سوال یہ ہے کہ ہم نے کب کیا ردعمل دیا  دکھ ، تکلیف ، پریشانی ، ڈر اور خوف کے وقت واویلا کیا یا صبر کرتے ہوتے رب کے سامنے جھک گئے خوشی ، راحت ، آسانی ، سکون اور اطمینان میں کھو کر رب کو بھول بیٹھے یا شکر ادا کرتے ہوتے رب سے جڑے رہے  🖋️ سدرہ اشفاق

اکثر بچے آج ماں سے بہت برے انداز میں بات کرتے ہیں جب سمجھایا جائے تو کہتے ہیں ماما تو سمجھتی ہی نہیں ہمیں  تو کیا ایسا ہو سکتا جس ماں نے آپ کو اپنے پیٹ میں اتنی تکلیف میں جنم دیا وہی آپ کو نہ سمجھے یہ ہو سکتا ہے کہ وہ آپ کے انداز کے مطابق نہ سمجھ پا رہی ہوں آج کے نت نئے رجحانات کے مطابق نہ سمجھے  لیکن کیا ضروری ہے ان سے بدتمیزی کی جائے غصے سے جواب دیا ہے آرام سے تمیز سے اچھے لہجے میں بھی تو بات کی جا سکتی ہے نہ؟ اپنی بات سمجھائی جا سکتی ہے دوستوں کی خاطر ، دوسروں کو اپنا آپ بہتر بتانے کی خاطر کیوں ماں کا دل دکھا رہے ہمیں یہ نہیں پسند وہ نہیں پسند  اتنے نخرے ، اتنا چڑچڑاپن آخر کس لیے؟ ایک دفعہ ایک صحابی نے رسول ﷺ سے پوچھا مجھ پر کس کا حق سب سے زیادہ ہے؟ جانتے ہیں آپ ﷺ نے کیا جواب دیا تمہاری ماں کا اور ایک دفعہ نہیں بلکہ تین دفعہ یہ کہا ماں کا حق سب سے زیادہ ہے کیوں ہم ماں کو یہ حق دینا بھول گئے ہیں؟ یاد رکھیں دنیا کی زندگی جنت بنانے کی خاطر اصل جنت مت گنوا دے کیونکہ دنیا تو کبھی جنت نہیں بن پائے گی مگر ماں کا دل دکھایا تو اصل جنت سے محروم ضرور ہو جائیں گے 🖋️ سدرہ اشفاق

زندگی، خوشی اور غم کا امتزاج ہے  خوشی کا وقت بہت تیزی سے گزر جاتا ہے  اور غم کے دوران ایسا محسوس ہوتا ہے کہ کوئی خوشی کبھی ملی ہی نہیں  جیسے لمبے عرصے سے بس غم ہی غم میں مبتلا ہیں کیا ہم اپنی چاہت کے مطابق خوشی اور غم کو بدل سکتے ہیں؟  بلکل نہیں تو پھر کیوں نہ ہو غم کے وقت بھی وہی رویہ اپنائے جو خوشی کے وقت اپناتے ہیں  کیونکہ ان کو دینے والا تو ایک ہے شکوہ کرنے سے بھی غم کو خوشی میں نہیں بدل سکتا لیکن شکر کریں گے تو رب راضی ہو گا 🖋️ سدرہ اشفاق

اتفاق سے دو عورتوں کو بات کرتے سنا جو غالباً کسی کے لیے بہت فکرمند ہو رہی تھیں  میں نے ان سے پوچھا کس کے لیے اتنی پریشان ہیں تو ایک عورٹ جھٹ سے بولی کیا بتاؤ بیٹا ہمارے پڑوس میں ایک بیچاری لڑکی کی شادی نہیں ہو رہی عمر بھی بڑھتی جا رہی ہے مجھے تو بہت پریشانی ہوتی ہے کہ اسکا کیا بنے گا کوئی اس کا نام لینے والا نہیں ہو گا ہائے بیچاری میں نے سوال کیا زندگی میں شادی کرنا بہت ضروری ہے؟  دوسری عورت بولی لو بھلا شادی کے بغیر بھی کوئی زندگی ہے نہ زندگی کا کوئی مزا نہ رونق لڑکیوں کی شادیاں صحیح وقت پہ کر دینی چاہیے مجھے ان کی اس سوچ پہ بہت حیرانی ہوئی اور پوچھا یہ صحیح وقت کیا ہوتا ہے؟ کیا اس کا تعین ہم کرتے ہیں کہ کب کونسا کام ہو؟ یہ تو اللہ کا تعین کیا ہوا ہے کب کس شادی ہونی ہے اور ہونی بھی ہے یا نہیں ہم صرف کوشش کر سکتے باقی تو اللہ کے ہاتھ میں تو پھر کیوں ہم اپنی ایسی باتوں سے دوسروں کو تکلیف دیں کیوں نہ اس کے الٹ ہم ان کو زندگی میں کچھ مثبت کرنے کی ترغیب دیں دونوں عورتوں نے جواب میں جو کہا اس کا مفہوم یہ تھا کہ توبہ توبہ لڑکیوں کو اتنا پڑھانا نہیں چاہیے ورنہ وہ باغی ہو جاتی ہیں عام زبان میں

انسان اس دنیا میں اپنی مرضی سے نہیں آتا اور نہ ہی اپنی مرضی سے اس دنیا سے جاتا ہے  تو انسانی ذہن میں سوال آتا ہے کہ اللہ نے ہمیں کیوں تخلیق کیا؟ قرآن میں اللہ نے بتا دیا کہ کیا ہے تمہارا مقصد  سورۃ الذاريات آیت 56 میں اسکا جواب ملتا ہے  "اور میں نے جنوں اور انسانوں کو صرف اس لئے پیدا کیا ہے کہ وہ میری عبادت کریں " کیا ہے یہ عبادت؟ وہی جو ہم کرتے ہیں روزانہ یا بندگی کی اصل شکل تو کچھ اور ہے؟ اگر ہم عبادت کر رہے یں اور اس کے ساتھ غلط کاموں سے نہیں رک رہے تو کیا بندگی کا حق ادا کر رہے ہیں؟ مقصد تخلیق کو پورا کر رہے ہیں؟ بندگی تو یہ ہے کہ بندہ اپنے رب کو پہچان لے رب کی معرفت حاصل کرلے  یہی تو ہے ہماری تخلیق کا مقصد رب کی پہچان حاصل کرنا کہ اللہ ہر وقت میرے ساتھ ہے اللہ سے ایسا تعلق جو ہمارے ہر عمل میں نظر آئے  ہر وقت ہمیں احساس ہو کہ اس تعلق کو غلط کام کرکے کمزور نہیں کرنا بلکہ اس  کو مضبوط بنانا ہے مکمل طور پر بندگی کو اختیار کرنا ہے 🖋️ سدرہ اشفاق

آج ہماری سوچ یہ ہو گئی ہے کہ ہر چیز بس مجھے مل جائے ہر چیز کو زیادہ سے زیادہ جمع کرنا چاہتے ہیں اس سوچ نے ہمیں دوسروں کو کچھ بھی دینے سے محروم کر دیا ہے لگتا ہے اگر کسی کو کچھ دے دیں گے تو ہمارے پاس کمی ہو جائے گی جبکہ بانٹنے سے محبت اور اپنائیت بڑھتی ہے  اور سب سے بڑھ کر بانٹنے والوں کو اللہ کبھی خالی ہاتھ نہیں رہنے دیتا  🖋️ سدرہ اشفاق

پاکستان کا مطلب کیا "لا الہ الا اللہ" پاکستان وہ ملک ہے جسے "لا الہ الا اللہ" کے عہد کے ساتھ بنایا گیا زندگی کے ان گزرتے لمحوں میں اس عہد کو مت بھولیں جہاں ہمیں اپنے وطن سے محبت کے اظہار میں اسکی ترقی کے لیے کوشاں رہنا ہے وہیں اس بات کا بھی دھیان رکھنا ہے کہ زندگی کی دور دھوپ ہمیں ہمارے رب سے دور نہ کر دے اس ملک کو حاصل کرنے میں ہم نے بہت سی قربانیاں دی ہیں وہی آج "لا الہ الا اللہ" کے عہد کو پورا کرتے ہوئے بھی بہت سی قربانیاں دینا ہوگی ہم ہر وقت کوشش میں ہوتے ہیں کہ اپنے ملک کا نام کہیں بھی جھکنے نہ دے ہر جگہ اسکا نام بلند ہی کریں ویسے ہی کوشش کرنی ہے کہ یہاں اسلامی احکامات کو نافذ کریں تاکہ رب کے سامنے بھی سرخرو ہو سکیں  یارب ہماری اس پہچان کو سلامت رکھنا ہمارے وطن کو ہمیشہ قائم و دائم رکھنا آمین 🖋️ سدرہ اشفاق

ہماری پریشانیاں کون دور کرتا ہے؟ ٹوٹے رشتوں کو کون جوڑتا ہے؟ الجھے ہوئے حالات کون سنوارتا ہے؟ بے چین دلوں کو کون سکون دیتا ہے؟ آنکھیں بند کر کے سوچیں            "اللہ" کیوں کہ وہ ہمارا مالک ہے اور اللہ ایسا نہیں ہے کہ جس نے ہمیں پیدا کر کے تنہا چھوڑ دیا ہے  وہ تو ہمارے ہر عمل, ہر تکلیف سے باخبر ہے اس لیے مت سوچیں کے اللہ نے ہمیں بھلا دیا ہے بلکہ سچ یہ ہے کہ ہم نے اللہ کو یاد کرنا چھوڑ دیا ہے جو بھی پریشانی جو بھی مشکل در پیش ہے انکھیں بند کر کے اللہ کو یاد کریں اور دل سے کہیں  اللہ مالک ہے  اللہ مالک ہے  اللہ مالک ہے  بیشک اللہ ہی تو ہر چیز کا مالک ہے  🖋️ سدرہ اشفاق

حضرت سفیان بن عبداللہ  سے روایت ہے کہ میں نے عرض کیا: ’’یارسول اللہ! مجھے اسلام کے بارے میں ایسی بات بتا دیں کہ آپؐ کے سوا کسی اور سے کچھ دریافت کرنے کی ضرورت نہ رہے۔‘‘ (یعنی مجھے اسلام کی حقیقت ایک جملے میں بتا دیجیے تا کہ میں اسے گرہ میں باندھ لوں۔ ) جواب میں آپ نے فرمایا:  قُلْ آمَنْتُ بِاللّٰہِ ثُمَّ اسْتَقِمْ ’’کہو میں اللہ پر ایمان لایا اور پھر اس پر جم جاؤ!‘‘  ایمان لانا آسان ہے مگر اس پر جمے رہنا آسان نہیں ہے۔ یہ تبھی ممکن ہے جب انسان کو اللہ پر پوری طرح توکل ّہو، وہ ہر حالت میں اس کی رضا پر راضی رہے۔ نہ اپنی کسی حالت کے بارے میں اس کی زبان پر حرفِ شکایت آئے اور نہ ہی اللہ تعالیٰ کے کسی فیصلے پر اس کے دل میں ملال پیدا ہو۔ پھر اللہ تعالیٰ کے ہر حکم کے آگے اس کا سر تسلیم بلا حیل و حجت جھکتا چلا جائے اور اس کے درِ اطاعت پر ہمہ وقت کمر بستہ کھڑے رہ کرعملی طور پر ثابت کر دے کہ  اِنَّ صَلاَتِیْ وَنُسُکِیْ وَمَحْیَایَ وَمَمَاتِیْ لِلّٰہِ رَبِّ الْعٰلَمِیْنَ  ’’یقینا میری نماز، میری قربانی، میری زندگی اور میری موت اللہ کے لیے ہے جو تمام جہانوں کا رب ہے‘‘ (الانعام)

ہمارے اردگرد بہت سے لوگ ایسے موجود ہوتے ہیں جنہیں کم گو سمجھا جاتا ہے سب کو لگتا ہے انہیں تو بات کرنا نہیں آتی یا کوئی اچھی بات کر ہی نہیں سکتے  جبکہ وہیں "کم گو لوگ" کچھ دوسرے لوگوں کے ساتھ بہت باتونی ہوتے ہیں تو کبھی سوچا ہے ایسا فرق کیوں؟ اس فرق کی سب سے بڑی وجہ سننے والے کا رویہ ہے کہ وہ سامنے والے کو کیا محسوس کرواتا ہے کبھی ہمارا سخت لہجہ سامنے والے کو خاموش کروا دیتا یے اور کبھی ہمارا تنظزیہ انداز میں جواب دینا اسے مزید کچھ کہنے سے روک دیتا ہے اس لیے اگر آپ ایک سننے والے ہے تو اپنے رویے کا جائزہ لیجیے  اچھے انداز میں جواب نہیں دے سکتے تو معذرت کر لیجیے  لیکن ایسا رویہ مت اپنائیں جو بات کرنے والے کو ہمیشہ کے لیے خاموش کر دے 🖋️ سدرہ اشفاق

اکثر لوگ کہتے ہیں جو کہا وہ صحیح یا غلط اس پر ڈٹ جاؤ ایسا کرنا ایک اچھے انسان اور مسلمان کو زیب نہیں دیتا صحیح بات ہے تو ڈٹ جانے میں کوئی بُری بات نہیں لیکن اگر غلط بات کہی ہے تو بھی اس غلطی کو تسلیم کرکے اصلاح کرنی چاہیے  اگر کوئی آپ کو غلط پہ ڈٹ جانے کو کہتا ہے تو وہ آپ کا سب سے بڑا دشمن ہے ابلیس بھی اپنی غلطی پر ڈٹ گیا تھا خود کی اصلاح نہیں کی غلطی کو تسلیم نہیں کیا تو دھتکار دیا گیا ایک مسلمان ہوتے ہوئے ہمیں ایسا نہیں بننا بلکہ جب جہاں کچھ غلط کہہ دیں فوراََ معذرت کر کے خود کی اصلاح کر لیں 🖋️ سدرہ اشفاق

کسی بھی تبدیلی کا آغاز خود سے ہوتا ہے جب تک خود اپنے عمل سے ثابت نہیں کریں گے دوسروں میں بھی کوئی تبدیلی نہیں آئے گی ہر عید پر دوسروں کو کہتے ہیں حسد ، بغض ،نفرت اور منفی جذبات کی قربانی کیجیئے  تو کیوں نہ اس عید پہ یہ عمل خود سے شروع کریں تاکہ لوگ ہمارے الفاظ سے زیادہ ہمارے عمل سے نصیحت لیں Actions speak louder than words ہر بار دوسروں کو نصیحت کرتے رہے اور خود کو بھول گئے تو دوسرے بھی اپنے لیے کبھی نہیں سنیں گے بلکہ کسی اور کو سنانے کے لیے سنیں گے  🖋️ سدرہ اشفاق

ناممکن لگتا ہے اور سوچتے ہو کہ ایسا کیسے ہو سکتا ہے؟ اللہ کے لیے تو کچھ بھی ناممکن اور مشکل نہیں اس کے پاس تو تمام خزانے ہیں  اور ذرا سوچو پہلے کبھی جب کوئی کام تمہیں نا ممکن لگا تو کس نے اسکو ممکن بنایا کس نے اِسے تمہارے لیے آسان بنایا۔۔۔۔ اللہ نے تو ابھی بھی اللہ تمہارے پاس ہے تمہارے ساتھ ہے اس پر بھروسہ رکھو  🖋️ سدرہ اشفاق

اگر آپ دوسروں کے ساتھ اچھائی اس لیے کر رہے ہیں کہ  وہ آپ کی واہ واہ کریں ، آپ کی اچھائی کو سراہے  آپ کو سر آنکھوں پر بیٹھائیں تو ایسا اس زندگی میں ممکن نہیں ہے آپ کی وہی اچھائی آپ کی برائی بن جائے گی جس سے آپ کو تکلیف بھی ہوگی لیکن اگر آپ کسی کے ساتھ اچھائی اس لیے کریں کہ یہ میرے رب کا حکم ہے اور وہی اسکا بہترین اجر دے گا تو یقین جانے اس سے نہ تو کبھی دکھ ہو گا  نہ ہی کوئی پچھتاوا  🖋️ سدرہ اشفاق

زندگی جینے اور گزارنے میں فرق ہوتا ہے اور ہم سب زندگی گزار رہے ہیں کیونکہ زندگی جینا تو ہم نے سیکھا ہی نہیں  بچپن سے لیکر بوڑھے ہونے تک سب اسی طرح زندگی گزار ہی تو رہے ہیں تو ہم بھی وہی کر رہے ہیں تبھی تو ہر کوئی ناخوش نظر آتا ہے  اگر ہم زندگی جینا سیکھ جائیں تو شکائتیں کم ہو گی اور ہر پل خوشگوار ہو گا 🖋️ سدرہ اشفاق

اگر اچھا کام کرنے کی کوشش میں غلطی ہو جاتی ہے تو پریشان نہ ہوں ہم انسان ہیں اور غلطیاں انسانوں سے ہی ہوتی ہیں کچھ اچھا کرنے کی کوشش میں غلطی کرنا کچھ بھی نہ کرنے سے بہتر ہے ہم گرے گے پھسلیں گے لیکن کبھی بھی غلطی کے ڈر سے کوشش کرنا مت چھوڑیں 🖋️ سدرہ اشفاق

دنیا کی دوڑ میں تو ہم سب ہی بھاگ رہے ہیں  لیکن کیا ہی اچھا ہو اگر ہم نیکی کے کاموں میں بھی دوڑ لگائیں  جہاں کسی کی مدد کرنی ہو ہم آگے بڑھ کے مدد کرنے والے ہوں جہاں صلہ رحمی کرنی ہو وہاں دوسرے ہمارے ساتھ کیا کرتے یہ سوچے بنا رشتے نبھائیں جب کوئی پریشان ہو  وہاں اس کو تسلی دے اسکی بات سنیں جب کوئی یتیم محرومی کا شکار ہو رہا ہوں تو شفقت کا ہاتھ اس کے سر پہ رکھ دیں  اس سے دنیا کا کچھ نقصان نہیں ہو گا لیکن آخرت سنور جائے گی 🖋️ سدرہ اشفاق

زندگی میں سب کو کسی نہ کسی معجزے کے انتظار ہوتا ہے دوسروں سے دعا کا کہتے ہیں معاملات کے ٹھیک نہ ہونے پہ پریشان ہوتے ہیں  لیکن معجزہ کب ہوتا ہے؟ جب تڑپ سچی ہو اپنی دعا پہ یقین ہو رب پہ بھروسہ ہوں  کہ وہ کبھی ہمیں تنہا نہیں چھوڑے گا کبھی ضائع نہیں ہونے دے کا جب ہم ایسے بن جائیں گے معجزے زندکی میں نظر آنے لگے گے 🖋️ سدرہ اشفاق

زندگی ایک انمول تحفہ ہے اس کی قدر کریں بیکار کی باتیں انسان کو صرف الجھاتی ہے جب کہ ہر دن کچھ اچھا کرنا ہمیں نئے تجربات دیتا ہے ایسے جئیں کے ہر دن فائدہ مند ہو دوسروں کے لیے بھی اور آپ کے اپنے لیے بھی 🖋️ سدرہ اشفاق

اسلام بہت خوبصورت دین ہے ہمیں ہر چیز کے آداب سیکھاتا ہے اس لیے جب کسی سے مدد طلب کرنی ہو تو بھی آداب کو اپنایا جاتا ہے  پیار سے محبت سے بات کی جاتی ہے دوسرے کا احساس کیا جاتا ہے  نانی امی کہا کرتی تھی کہ بیٹا دوسروں سے مدد لینے کا بھی طریقہ ہوتا ہے وہ بتاتی تھی کہ ہمارے زمانے میں جب کسی سے کچھ سیکھنا ہوتا تھا تو ایسے کسی سے جا کہ نہیں کہہ دیتے تھے کہ یہ بتا دیں وہ سیکھا دیں بلکہ ان کے گھر کا کام ان کے ساتھ مل کر کر دیتے تھے تاکہ انکا گھر کا کام آدھے وقت میں مکمل ہو جائے اور باقی آدھے وقت میں وہ ہماری مدد کر دیں    تو ہمیں بھی دوسروں کے کاموں میں مدد کرنی چاہیے تاکہ باقی وقت میں وہ ہماری مدد کردیں  اگر یہ نہیں کر سکتے تو کم از کم دوسرے کی مصروفیت کا خیال کریں  اگر وہ بھول جائیں تو بنا موڈ دیکھائیں دوبارہ یاد کروا دیں دین کا کام کرنے والوں کو بھی یہ آداب سیکھنے کے ضرورت ہے  کیونکہ دین کا کام اللہ کی رضا پانے کے لیے کیا جاتا دوسروں کو برا محسوس کروانے یا احسان جتلانے کے لیے نہیں 🖋️ سدرہ اشفاق

اپنی محرومی کا بدلہ دوسروں سے نہ لے اگر آپ کو کچھ نہیں ملا اور دوسروں کے پاس وہ ہے تو دوسروں کو اُس سے محروم مت کیجئیے جس انسان نے خود محرومی دیکھی ہوں وہ تو آگے بڑھ کر دینے والا ہوتا ہے  اللہ کی تقسیم پہ راضی رہیں اور خود کو حسد سے بچائیں 🖋️ سدرہ اشفاق

سختی دوسروں کو علم اور دین سے دور کرتی ہے ایک دین دار انسان اور رسول ﷺ سے محبت کرنے والا مومن کیسے دوسروں کے ساتھ سختی کا رویہ اپنا سکتا ہے؟ ہمارے پیارے نبی ﷺ نے تو اپنے بدترین دشمنوں کو بھی اپنا دوست بنا لیا تھا  رسول ﷺ نے فرمایا:  إِنَّ الرِّفْقَ لَا یَکُوْنُ فِيْ شَيْئٍ إِلاَّ زَانَہُ وَلَا یُنْزَعُ مِنْ شَيْئٍ إِلاَّ شَانَہُ۔   '' نرمی جس چیز میں بھی ہوتی ہے اسے خوبصورت کردیتی ہے اور جس چیز سے نکال لی جائے اسے عیب دار کردیتی ہے۔ ''  ہم اپنے دوستوں/پیاروں کو بھی اپنے سخت رویے کی وجہ سے خود سے دور کر رہے ہیں۔ دوسروں کے ساتھ نرمی کا معاملہ کیجئیے یہی دوسروں کے ساتھ بھلائی کرنا ہو گا۔ 🖋️ سدرہ اشفاق

انسان زبان سے ادا کیے جانے والے الفاظ کو سمجھتے ہیں دل میں کیا یے اس کو نہیں جان سکتے اس لیے زبان سے کرواہٹ بھرے جملے ادا کر کے دوسروں کا دل دکھا کر یہ مت کہیں کہ ہم دل کے تو بہت اچھے ہیں مسلمان وہ ہوتا ہے جس کی زبان سے دوسرے محفوظ رہیں لہٰذا بہترین مسلمان بننے کے لئے اپنی زبان پر کنٹرول اور دوسروں کی عزت نفس کا خیال رکھیں۔ 🖋️ سدرہ اشفاق

استاد بننے سے پہلے خود کو ایک بہترین انسان بنائیے کیونکہ سوال یہ نہیں ہو گا کہ کتنا علم تھا اور وہ کتنے لوگوں کو پڑھایا لیکن یہ سوال ضرور ہو گا کہ جو علم تھا اس پر عمل کتنا کیا 🖋️ سدرہ اشفاق

ابن عباس رضی اللہ عنہما فرماتے ہیں: ”حَسْبُنَا اللَّهُ وَنِعْمَ الْوَكِيلُ“ یہ وہ کلمہ ہے جو ابراہیم علیہ الصلاۃ والسلام نے اس وقت کہا تھا جب انہيں آگ میں ڈالا جارہا تھا۔ اور محمد صلی اللہ علیہ وآلہ وسلم نے اس وقت کہا جب ان سے کہا گیا کہ: ﴿اِنَّ النَّاسَ قَدْ جَمَعُوْا لَكُمْ فَاخْشَوْھُمْ فَزَادَھُمْ اِيْمَانًا ڰ وَّقَالُوْا حَسْبُنَا اللّٰهُ وَنِعْمَ الْوَكِيْلُ﴾ (آل عمران: 173) (بے شک لوگوں نے تمہارے لیے (فوج) جمع کرلی ہے، سو ان سے ڈرو، تو اس بات نے انہیں ایمان میں اور زیادہ کردیا ،اور انہوں نے کہا ہمیں اللہ ہی کافی ہے اور وہ کیا ہی خوب کار ساز ہے) شیخ صالح الفوزان حفظہ اللہ فرماتے ہیں کہ اللہ تعالی تعالی نے ابراہیم علیہ الصلاۃ والسلام کی اس کلمے کی برکت سے مدد فرمائی اور آگ کو حکم دیا کہ: تو ٹھنڈی اور سلامتی والی بن جا ابراہیم پر  (الانبیاء: 69)۔ محمد صلی اللہ علیہ وآلہ وسلم کی نصرت فرمائی اور اس عظیم کلمے کی برکت سے فرمایا: تو وہ اللہ کی طرف سے بڑی نعمت اور فضل کے ساتھ لوٹے،انہیں کسی برائی نے چھوا تک نہيں (آل عمران: 174)۔ صحیح بخاری 4563 ہمیں بھی چاہیے اس سے استفادہ حاصل کرے: 1- ا

انسان کبھی کبھار وقت اور حالات کی وجہ سے تھک بھی جاتا ہے لیکن ہار نہیں مان سکتا کبھی نا امید نہیں ہو سکتا  تو زندگی میں جب بھی تھکن محسوس ہو تو تھوڑا آرام کر لیں خود کے ساتھ وقت گزاریں اپنے اردگرد موجود چھوٹی چھوٹی خوشیوں کو محسوس کریں اس سے تروتازگی کا احساس ہو گا اور تھکن بھی دور ہو جائے گا 🖋️ سدرہ اشفاق