Sidra Ashfaq

انسان زبان سے ادا کیے جانے والے الفاظ کو سمجھتے ہیں دل میں کیا یے اس کو نہیں جان سکتے اس لیے زبان سے کرواہٹ بھرے جملے ادا کر کے دوسروں کا دل دکھا کر یہ مت کہیں کہ ہم دل کے تو بہت اچھے ہیں مسلمان وہ ہوتا ہے جس کی زبان سے دوسرے محفوظ رہیں لہٰذا بہترین مسلمان بننے کے لئے اپنی زبان پر کنٹرول اور دوسروں کی عزت نفس کا خیال رکھیں۔ 🖋️ سدرہ اشفاق

استاد بننے سے پہلے خود کو ایک بہترین انسان بنائیے کیونکہ سوال یہ نہیں ہو گا کہ کتنا علم تھا اور وہ کتنے لوگوں کو پڑھایا لیکن یہ سوال ضرور ہو گا کہ جو علم تھا اس پر عمل کتنا کیا 🖋️ سدرہ اشفاق

ابن عباس رضی اللہ عنہما فرماتے ہیں: ”حَسْبُنَا اللَّهُ وَنِعْمَ الْوَكِيلُ“ یہ وہ کلمہ ہے جو ابراہیم علیہ الصلاۃ والسلام نے اس وقت کہا تھا جب انہيں آگ میں ڈالا جارہا تھا۔ اور محمد صلی اللہ علیہ وآلہ وسلم نے اس وقت کہا جب ان سے کہا گیا کہ: ﴿اِنَّ النَّاسَ قَدْ جَمَعُوْا لَكُمْ فَاخْشَوْھُمْ فَزَادَھُمْ اِيْمَانًا ڰ وَّقَالُوْا حَسْبُنَا اللّٰهُ وَنِعْمَ الْوَكِيْلُ﴾ (آل عمران: 173) (بے شک لوگوں نے تمہارے لیے (فوج) جمع کرلی ہے، سو ان سے ڈرو، تو اس بات نے انہیں ایمان میں اور زیادہ کردیا ،اور انہوں نے کہا ہمیں اللہ ہی کافی ہے اور وہ کیا ہی خوب کار ساز ہے) شیخ صالح الفوزان حفظہ اللہ فرماتے ہیں کہ اللہ تعالی تعالی نے ابراہیم علیہ الصلاۃ والسلام کی اس کلمے کی برکت سے مدد فرمائی اور آگ کو حکم دیا کہ: تو ٹھنڈی اور سلامتی والی بن جا ابراہیم پر  (الانبیاء: 69)۔ محمد صلی اللہ علیہ وآلہ وسلم کی نصرت فرمائی اور اس عظیم کلمے کی برکت سے فرمایا: تو وہ اللہ کی طرف سے بڑی نعمت اور فضل کے ساتھ لوٹے،انہیں کسی برائی نے چھوا تک نہيں (آل عمران: 174)۔ صحیح بخاری 4563 ہمیں بھی چاہیے اس سے استفادہ حاصل کرے: ...

انسان کبھی کبھار وقت اور حالات کی وجہ سے تھک بھی جاتا ہے لیکن ہار نہیں مان سکتا کبھی نا امید نہیں ہو سکتا  تو زندگی میں جب بھی تھکن محسوس ہو تو تھوڑا آرام کر لیں خود کے ساتھ وقت گزاریں اپنے اردگرد موجود چھوٹی چھوٹی خوشیوں کو محسوس کریں اس سے تروتازگی کا احساس ہو گا اور تھکن بھی دور ہو جائے گا 🖋️ سدرہ اشفاق

بعض اوقات اللہ پاک آپ کو ایسے لوگوں سے ملواتا ہے جنہیں آپ اپنا ہمدرد یا خیر خواہ سمجھ بیٹھتے ہیں دراصل جب وہی لوگ آپ کے انتہائی مخلص ہونے کے باوجود آپکو دکھ کی اس آگ میں جلتا ہوا چھوڑ دیتے ہیں جسے بجھانے میں آپ زندگی اور موت کی کشمکش سے دوچار ہو جاتے ہیں وہ وقت بڑا کٹھن ہوتا ہے جب آپ اکیلے اُن لمحات کو جھیل رہے ہوتے ہیں نہ کسی سے کہہ سکتے ہیں اور نہ ہی چیخ چیخ کر رو سکتے ہیں وہ درد کی کیفیت ایسی ہوتی ہے جو شاید زندگی میں ہی موت کا مزہ چکھا جاتی ہے بس وہی وقت ہوتا ہے جب اللہ اور آپ کا تعلق مضبوط ہو جاتا ہے اللہ آپ کو دیکھتا ہے آزماتا ہے کہ میرے بندے کو مجھ پر کتنا بھروسہ ہے جب ایک انسان پر ہم بھروسے کے پُل قائم کر سکتے ہیں اور ایک عرصہ اس انسان پر اندھا بھروسہ کرتے ہیں اسکی خامیوں کو نظرانداز کر کے اسکا ساتھ نبھاتے ہیں تو اللہ تو ہمارا پالنے والا ہے اس پر بھروسہ کرنے میں کیوں ہچکچاتے ہیں وہی تو ہے جو درد کی دوا دے سکتا ہے وہی تو ہے جو سارے غم مٹا سکتا ہے ہمارا درد اس رب کی طاقت کے آگے اس کے فضل کے آگے زرہ برابر بھی نہیں ہم اور ہماری اوقات مٹی کے سوا کچھ نہیں.....

خون کے رشتے ایسے رشتے ہیں جن میں اللہ نے کشش رکھ ہے..... ان میں ہمارا کوئی اختیار نہیں ہوتا..... نہ ہی ہم اپنی مرضی سے ردو بدل کر سکتے ہیں..... صرف ایک کام کر سکتے ہیں کہ رشتوں کو جوڑ کے رکھے..... وہ حقوق جو اللہ نے مقرر کر دئیے ہیں انہیں ادا کرے..... رشتے جوڑ کے رکھنا انہیں سنبھالنا ہی تو مشکل کام ہے... جبکہ رشتے توڑنا اور بکھیرنا تو بہت آسان ہے..... جو انسان رشتے نبھانا سیکھ لے اُس کے لیے دنیا کا کوئی بھی کام مشکل نہیں رہتا..... رشتوں کو جوڑ کے رکھنے کے لیے جو چاہیے وہ ہیں                   "پیار, شفقت اور احساس" اور وہ چیزیں جو رشتوں میں کڑواہٹ گھول دیتی ہے وہ ہیں                      "مطلب,لالچ اور حسد"                      

رشتے بھی بہت عجیب ہوتے ہیں..... کبھی تو اپنے ہو کے بھی بہت بیگانےاور کبھی کبھار  بیگانے ہو کے بھی اپنے بن جاتے ہیں..... رشتوں میں تو صرف احساس کی ضرورت ہوتی ہے..... جو رشتوں کو پیار سے سینچ کے تناور درخت بنا دیتا ہے..... جسے کوئی بھی اندھی طوفان اکھاڑ نہیں سکتے..... جبکہ دوسری جو رشتے محض مطلب کے لئے جڑے ہوتے ہیں..... وہ ایک دن اپنی موت خود ہی مر جاتے ہیں..... پھر اس سے فرق نہیں پڑتا کے رشتے خون کے تھے یا دل کے.....